Mujhe Khala Mein Bhatakne Ki Aarzu Hi Sahi

Ke Tu Mile Na Mile Teri Justaju Hi Sahi

Qareeb Aa Shab-E-Tanhayi Tujh Se Pyar Karein

Tamam Din Ki Thakan Ka Ilaaj Tu Hi Sahi

Bare Khuloos Se Milta Hai, Jab Bhi Milta Hai

Wo Bewafa To Nahin Hai, Bahana-Ju Hi Sahi

Magar Wo Abr Samandar Pe Kyun Barasta Hai

Zameen Banjur Sahi, Khaak Be-Namuu Hi Sahi

Tum Apne Dagh-E-Sir-E- Perhan Ki Baat Karo

Hamara Daman-E-Sad- Chaak Be-Rafuu Hi Sahi

Ye Naaz Kum To Nahin Hai Ke Unse Mil Aaye

Wo Ek Pal Ko Sir-E-Raahe Guftaguu Hi Sahi

Jo Apne Aap Se Sharmaye' Kis Se Baat Kare

Main Aaine Ki Tarah Uske Ru-Baru Hi Sahi

Kissi Tarah To Ye Tanhaiyon Ki Shaam Kate

Wisaal-E-Yaar Nahin, Qurbat-E-Aduu Hi Sahi

Ye Sajda Sir-E-Muqtal Ka Waket Hai Mohsin

Khud Apne Khun-E-Rag-E- Jaan Se Ab Wuzuu Hi Sahi